Пејпер Мил поседува и работи целосно во согласност со А Интегрираната дозвола за животна средина, доделена од Министерството за животна средина и просторно планирање на Република Северна Македонија. Пејпер Мил е посветен на заштита на животната средина во сите аспекти од своето работење за да ги пресретне и надмине локалните и национални заложби за здраво животно опкружување. За таа цел компанијата постојано ги унапредува и развива своите работни и производствени процеси, воведува нови технологии и развива систем за управување со животната средина во согласност со меѓународните стандарди ISO 14001, ISO 9001 и FSC C139985, со што ја подобрува својата целокупна политика за животна средина.
Политиката за заштита на животната средина на компанијата ги опфаќа сите производствени процеси и поставува основа за намалување на влијанието врз животната средина, како и промовирање на поширока еколошка култура во заедницата. Менаџментот и сите вработени се посветени на применување на принципите на политиката за животна средина. Основните принципи кои ги гарантираме со оваа политика опфаќаат:

Како дел од Unitrade Cluster, групација која работи во Европската Унија, политиката за заштита на животната средина на Пејпер Мил од Кочани е целосно во согласност со современите европски стандарди. Пејпер Мил вложува и имплементира посебна Програма за заштита на воздух со која се предвидени и реализирани повеќе мерки за заштита на воздухот. Фабриката користи исклучиво био горива како енергенси и тоа био-маса од сончогледови пелети и био-гас, метан. Во изминатиот период направена е реконструкција на постоечките котли, што придонесе до намалување на потрошувачката на енергијата и намалување на емисиите на штетните компоненти во воздухот. Дополнителни значителни инвестиции се вложени во поставување на т.н. вреќест филтер со кој уште повеќе се намалува емисијата на ситна прашина во воздухот. Со тоа работењето на Пејпер Мил целосно е во согласност со европските стандарди за заштита на животната средина.

Пејпер Мил е единствен рециклатор на отпадната хартија и картон во Република Северна Македонија и целата количина отпадна хартија и картон што се обработуваат во нашата фабрика се сметаат за постигнување на национални цели. Во фабриката се вршат редовни мерења на емисии и контрола над секој дел од производствениот процес со цел да обезбеди почитување и усогласеност со А Интегрираната дозвола и стандардите за квалитет, здравје и безбедност при работа, управување со енергија и одржливост на шуми.
Суровините кои ги користи Пејпер Мил се исклучиво хартија од користени производи и хартија од производствени остатоци. Истите ги преработува и од нив произведува хартија за амбалажа и пакување, несложен картон, флипување, пресилен картон, хартија за обложување или тестер.
Пејпер Мил поседува сертификати за усогласеност со меѓународните стандарди:

Процесот на производство на хартија и картон е организиран на начин што треба со минимален остаток и отпад и оптимална употреба на енергија да се добие максимален квалитет на готовиот производ. Единствената суровина што се користи за производство е 100% отпадна хартија. Со користење на 100% отпадна хартија како суровина за производство и со употреба на био-горива како енергенси и технолошка вода создаваме продукт кој има затворен, одржлив животен циклус. Со тоа рециклираните производи се најодржливо решение за пакување. Покрај главните суровини се користат и помошни суровини како модифициран скроб, анјонски скроб, катјонски скроб итн. Во рамките на инсталацијата се одвиваат следните производствени процеси-сортирање на стара хартија, развлакнување, пречистување, мелење, формирање, сушење на хартијата и лабораториска анализа односно контрола на квалитет.

Инсталацијата на Пејпер Мил следи деловни индикатори/ КPI (Key Performance Indicator) за потрошувачка на вода во однос на тон готов производ која се движи околу 50м3/тон. За да се произведе еден тон на хартија готов производ потребни се околу 1,3 тона отпадна хартија. Пејпер Мил има инсталиран капацитет на производство од 15.000 тони готов производ годишно.

По вградувањето на песочните филтри во производствениот погон на инсталацијата ќе се рециркулира поголема количина на вода во процесот, со што значително ќе се намалат количините на вода на влез во пречистителната станица, а со тоа значително ќе се намали емисијата на отпадните води. За пречистување на технолошките отпадни води што се создаваат од работењето на Пејпер Мил во тек е процес за изградба на пречистителна станица, која ќе обезбеди висок степен на прочистена отпадна вода. Во котлара е инсталиран нов парен котел со капацитет од 4 МW за производство на 6 тони техничка пареа на час кој како енергенс користи био гориво, односно еколошко гориво од остатоци од органски отпад кој се создава од земјоделски култури односно сончогледови пелети.

Со оглед на тоа што Пејпер Мил од Кочани е единствената фабрика за рециклирање на хартија во Република Северна Македонија, уделот на компанијата во исполнување на националните цели за рециклирање е исклучително значаен. Постојниот капацитет на фабриката Пејпер Мил е доволен за да го прими, рециклира и преработи целосното количество на отпадна хартија во Македонија.
Националните цели за рециклирање на хартија ги утврдува Министерството за животна средина и просторно планирање.